Ағайынды Сабырхандарға Шымкент әкімдігі пәтер мен автокөлік берді (ВИДЕО)

Шымкент қаласында бокстан әлем чемпионатында топ жарған Махмуд пен Торехан Сабырханды салтанатты түрде сыйлық берді, деп хабарлайды POLITICO.KZ. 
Әкімдік ғимаратында өткен қабылдауда қала басшылығы әр чемпионға пәтердің кілті мен автокөлік табыс етті. Сондай-ақ спортшыларға демеушілер есебінен бағалы сыйлықтар берілді.
Кездесу соңында Шымкент әкімі жеңімпаздарды құттықтап, бапкерлері мен ұстаздарына алғыс білдірді. Ол бауырларға алдағы уақытта жаңа жетістіктер мен жарқын жеңістер тіледі.
Айта кетейік, ағайынды Сабырхандар 2025 жылы Ливерпульде (Англия) өткен әлем чемпионатында алтын медаль иеленді. Махмуд 55 келіге дейінгі салмақ дәрежесінде бірінші орын алса, Торехан 70 келіде топ жарды.