Айгүл Иманбаеваның тойы Лос-Анджелесте өтетін болды

Белгілі әнші, Қазақстанның еңбек сіңірген қайраткері Айгүл Иманбаева Instagram парақшасында желі қолданушылары тарапынан қойылған бірнеше сауалға жауап берді, деп хабарлайды politico.kz сайты  Qaz365.kz-ке сілтеме жасап. Актриса бүгінде үйлену тойына дайындалып жүргенін айтты.

2025 жылы үйлену тойымыз болады. Бірақ Қазақстанда жасамаймыз. Жолдасым екеуміз АҚШ-тың Лос-Анджелес қаласында тойлауды жоспарлап отырмыз, - деді ол.

Соңғы кездері әншіге «аяғың ауыр ма?» деген сұрақ көп қойылады екен.

Бұл туралы босанғаннан кейін айтайын. Міндетті түрде сіздерден сүйінші сұраймын. Ұлым Асылжанның тойы басқа форматта өтеді. Сол тойда тағы да бірнеше жаңалығымызды жария етеміз. Әр шаңырақта той болсын, - деді Айгүл Иманбаева.