Александр Лукашенко жетінші рет Беларусь президенті атанды

Минскіде Лукашенконың инаугурациясы өтті

Александр Лукашенко Беларусь Президенті қызметіне жетінші рет кірісті, деп хабарлайды POLITICO.KZ.

Минск қаласында өткен инаугурациялық салтанат барысында Лукашенко ант беріп, Орталық сайлау комиссиясының төрағасынан президент куәлігін алды. Рәсімге 1 100-ден астам қонақ шақырылған.

Салтанат басталар алдында президент кортежі Минсктің орталық көшелерімен мотоциклдермен бірге жүріп өтті. Конституцияға сәйкес, ант беру рәсімі салтанатты жағдайда, билік тармақтарының өкілдері мен сот жүйесі мүшелерінің қатысуымен өткізіледі.

Еске салайық, 26 қаңтарда өткен президенттік сайлауда Лукашенко ресми мәлімет бойынша 86,82% дауыс жинап, сайлаушылардың қатысуы 85,69% болған.