Алматы облысындағы жойқын жарылыс: 2 адам ажал құшты

Алматы облысында цехта жарылыс болып, 2 адам қаза тапты, деп хабарлайды POLITICO.KZ. 

Жарылыс Қарасай ауданы Жібек Жолы ауылында орналасқан ұн өнімдерін өндіру цехы аумағында болған. Астық қалдықтарының шаң-тозаңы жарылысқа себеп болған. Өрт сөндіру қызметі жалынды толығымен сөндірді. 

Өрт салдарынан 4 адам жарақат алды. Олар ауруханаға жеткізіліп, екеуі көз жұмды. Ал екі адам ауыр жағдайда, жансақтауда жатыр.  Денелерінің 80-90 пайызын күйік шалған.

Нысан KazFoodProducts компаниясына тиесілі. Оған Ерлан Баймуратов (95% акция) және Айдархан Сарсембаев (5%) иелік етеді.

Өртті сөндіруге 100-ден аса маман мен 31 техника жұмылдырылды.