Алматыда жаппай жол апаты: Автобус бес көлікке бірдей соғылды

13 наурыз 2026, 18:10 1523

Алматыда жаппай жол апаты: Автобус бес көлікке бірдей соғылды — Фото: Tengrinews.kz

Жандосов – Әуезов қиылысында ірі апат

Алматы қаласында Жандосов пен Әуезов көшелерінің қиылысында бірнеше көлік соқтығысқан жол-көлік оқиғасы тіркелді, деп хабарлайды Politico.kz.

Оқиға 13 наурыз күні сағат 15:20 шамасында Бостандық ауданында болған.Куәгерлердің айтуынша, №95 бағытындағы автобус пен бірнеше жеңіл автокөлік соқтығысқан. Оқиға орнынан түсірілген суреттерде көліктердің айтарлықтай зақымданғаны көрінеді.

Алматы қалалық Полиция департаментінің мәліметінше, Foton маркалы автобус жүргізушісі Жандосов көшесімен шығыс бағытта келе жатып, арақашықтықты сақтамаған. Соның салдарынан алда келе жатқан бес жеңіл көлікпен соқтығысқан.

Жол апаты салдарынан бір адам зардап шегіп, медициналық көмекке жүгінген.

Қазір аталған оқиға бойынша Бостандық аудандық полиция басқармасының қызметкерлері тексеру жүргізіп жатыр.

Ербол Хамитов 2026 жылғы Паралимпиада ойындарының чемпионы атанды

Тоқаев: «Ірі банктер бұл талапты орындамай отыр»

автобус Алматы Жол апаты Полиция департаменті

Бізді Google-дың негізгі дереккөздер тізіміне қосыңыз

Қосу