“Анам тірі”: Қырғызстанда көз жұмды деген альпинистің ұлы Ресейден көмек сұрады

Қырғызстанда тау шыңында аяқ жарақатымен құтқарусыз қалып, көз жұмды деген ресейлік альпинист Ольга Наговицынаның ұлы мәлімдеме жасады, деп хабарлайды POLITICO.KZ. 

Ол Ресей Федерациясының Бас прокурорына, СІМ-ге және Ресейдің Бішкектегі елшісіне жағдайға араласып, құтқару операциясын ұйымдастыруды сұрады.

Михаил Наговицын анасының қаза тапқанына сенбейді. Баласы альпинисттің тірі екенін айтты.

«Болжамдарға сәйкес, қолайлы ауа райы жағдайлары алдағы екі тәулік ішінде ғана сақталады. Осы уақыттан кейін құтқару операциясын жүргізу мүмкін болмайды. Анамның тірі екенін растау мақсатында дрондарды пайдалана отырып, Жеңіс шыңында түсірілім ұйымдастыруға көмек көрсетуді сұраймын», - дейді Михаил Наговицын.