Ақтауда туған күнінде жоғалып кеткен 18 жасар жігіттің денесі теңізден табылды

15 шілде 2026, 16:00 1671

Ақтауда туған күнінде жоғалып кеткен 18 жасар жігіттің денесі теңізден табылды — Фото: lada.kz

Каспий теңізі жағалауында бірнеше күнге созылған іздеу-құтқару операциясы қайғылы жағдаймен аяқталды. Туған күнінде достарымен демалуға кетіп, жоғалып кеткен 18 жастағы Азамат Дүйсеханов өлі табылды, деп хабарлайды Politico.kz.

Маңғыстау облыстық Төтенше жағдайлар департаментінің мәліметінше, құтқару жұмыстары Каспий теңізінің шомылуға жабдықталмаған учаскесінде жүргізілген.

Бозбаланың денесі бүгін Ақтау қаласынан 51 шақырым жерде, жағалаудан шамамен 10 метр қашықтықта судан табылды. Құтқарушылар марқұмның денесін судан шығарып, полиция қызметкерлеріне тапсырды.

Еске сала кетейік, бұған дейін Ақтауда 18 жастағы жігіттің жоғалып кеткені хабарланған болатын.

Ол Ақтаудан 46 шақырым жердегі Каспий теңізі жағалауына достарымен бірге шомылуға барып, содан қайтып оралмаған еді.

адам жоғалу Ақтау жігіт Полиция

Бізді Google-дың негізгі дереккөздер тізіміне қосыңыз

Қосу

Ақтауда туған күнінде жоғалып кеткен 18 жасар жігіттің денесі теңізден табылды

Соңғы жаңалықтар