Араб әмірліктері жаңа жыл тойлаудан рекорд орнатты
БАӘ-дегі жаңа жылдық дрондар шоуы Гиннес рекордтар кітабына енді, деп хабарлайды Politico.kz
Рас-эль-Хайма Таяу Шығыстағы Жаңа жылдың өзіндік форматы бар екенін тағы бір мәрте дәлелдеді. Әмірлік 2026 жылға 15 минутқа созылған ауқымды дрондар мен фейерверктер шоуымен кіріп, Guinness World Records кітабына жаңа рекорд енгізді. Бұл жолы «дрондар арқылы жасалған ең үлкен феникс бейнесі» тіркелді.
Шоу — жай көрініс емес, жаңару, өршілдік пен болашаққа бағытталған идеяны біріктірген тұтас оқиға болды.
Түнгі аспан тірі кенепке айналды: 2 300 дрон, оның ішінде 1 000 пиродрон, алып феникс бейнесін құрастырды. Жағалау үстінде «қанатын жайған» образ оптимизм мен жаңарудың нышаны ретінде көрінді. Таңдау бекер емес: феникс Рас-эль-Хайманың туризм, қала кеңістігі, инфрақұрылым мен инвестиция бағыттарындағы өзгерістерге деген ұмтылысын бейнелейді.
Сондай-ақ теңізден құшағын ашып шыққан адам бейнесіндегі «Қош келдіңіз» композициясы көрсетілді. Мағынасы айқын: әмірлік әлемге ашық.
Түн ортасында шоу фейерверктермен жалғасты. Аль-Марджан аралынан Аль-Хамра ауданына дейінгі шамамен алты шақырымдық аумақта аспан жарық пен түске толды. Әрбір залп музыкалық партитурадай дәл ырғақпен беріліп, симфониялық әсер қалдырды.
Мыңдаған тұрғын мен турист көріністі жағажайлардан, жағалаулардан және фестиваль алаңдарынан тамашалады. Корниш әл-Кавасимде негізгі санауға дейін жеке кешкі бағдарлама да өтті.
Рас-эль-Хайманың Туризмді дамыту департаментінің ( RAKTDA ) басшысы Филиппа Харрисон былай деді:
«Жаңа жылды Рас-эль-Хаймада қарсы алу — ең алдымен бірлік мерекесі. Біз бұл сәттен тұрғындар да, қонақтар да ләззат алсын дедік. Рекорд маңызды, бірақ ең қымбаты — естеліктер. 2025 жыл әмірлік үшін айтарлықтай прогресс жылы болды, ал бүгінгі кеш — сол жетістіктерді атап өтіп, болашаққа көз тастау».
Соңғы жаңалықтар
