«Асқар тауымнан айырылдым»: Дархан Мұсаев қаралы хабарды жеткізді

9 шілде 2026, 22:38 1653

«Асқар тауымнан айырылдым»: Дархан Мұсаев қаралы хабарды жеткізді — Әлеуметтік желіден

Қазақстандық театр және кино актері, асаба Дархан Мұсаев әлеуметтік желідегі парақшасында қаралы хабарды жариялап, әкесінің дүниеден өткенін мәлімдеді, деп хабарлайды Politico.kz.

Өнер иесі жазбасында бұл күннің өзі үшін өміріндегі ең ауыр күн болғанын айтып, әкесін арқа сүйер тірегі ретінде сипаттады.

«Әкем бұл дүниемен қоштасты. Артымнан тірек болған, ақылын айтып, дұғасымен қорғаған асқар тауымнан айырылдым. Алланың жазуына разымыз. „Расында, біз Аллаға тәнбіз әрі Оған қайтушымыз“», — деп жазды Дархан Мұсаев.

Сондай-ақ ол көпшіліктен әкесінің рухына дұға бағыштауды сұрап, марқұмның жаны жәннаттан болуын тіледі. Желі қолданушылары мен өнер саласындағы әріптестері актерге көңіл айтып, қолдау білдіруде.

Айта кетейік, Дархан Мұсаев — қазақстандық театр және кино актері, асаба. Ол танымал актриса әрі продюсер Дариға Бадықованың бұрынғы жұбайы ретінде де көпшілікке таныс.