Астанада қала ішінде 216 км/сағ жылдамдықпен жүрген жүргізуші ұсталды
Астанада жол ережесін бұзған жүргізуші ұсталды, деп хабарлайды Politico.kz.
Астана қаласында полицейлер жол қозғалысы ережелерін өрескел әрі жүйелі түрде бұзып келген 27 жастағы BMW жүргізушісін ұстады. Тергеу барысында анықталғандай, жүргізуші жыл басынан бері 61 рет әкімшілік жауапкершілікке тартылған. Оның 59-ы жылдамдықты асыру деректеріне қатысты.
Ең қауіпті жағдайлардың бірі оның Әл-Фараби көшесінде жаяу жүргіншілер өткелінен 133 км/сағ жылдамдықпен қызыл шамға өтіп кеткені. Сонымен қатар, бұған дейін рұқсат етілген 90 км/сағ орнына 216 км/сағ жылдамдықпен жүргені тіркелген. Полиция мұндай әрекеттер азаматтардың өмірі мен денсаулығына тікелей қауіп төндіретінін атап өтті.
Құқық бұзушы ұсақ бұзақылық жасағаны үшін жауапкершілікке тартылып, 15 тәулікке әкімшілік қамауға алынды. Оның көлігі коммуналдық тұраққа қойылды.
Соңғы жаңалықтар
