Астанада жалаңаш ер адам балаларға пышақпен жүгірген

Астанада Петрова көшесі, 2-мекенжайындағы тұрғын үй ауласында 39 жастағы ер адам елді дүрліктірді. Ер адам жалаңаш күйде балалар алаңындағы бүлдіршіндерді шошытқан, деп хабарлайды Politico.kz.

Куәгерлердің айтуынша, ол қолына пышақ ұстап, алаң ішінде жүгіріп жүрген. Сонымен қатар айналасындағыларға айғайлап, балаларға да қоқан-лоқы көрсеткен.

Оқиға кезінде қорыққан ата-аналар мен балалар жан-жаққа қашып, бірден полиция шақырған. Құқық қорғау органдары шамамен 20 минут ішінде жетіп, ер адамды ұстап алған.

Абырой болғанда, оқиға салдарынан ешбір бала зардап шеккен жоқ. Полиция мәліметінше, күдікті Алматы аудандық полиция басқармасына жеткізілген. Сот шешімімен ол ұсақ бұзақылық жасағаны үшін 20 тәулікке әкімшілік қамауға алынды.

Қазіргі уақытта ер адамның мұндай әрекетке не себеп болғаны анықталып жатыр.

Астана ер адам Полиция пышақ

Астанада жалаңаш ер адам балаларға пышақпен жүгірген

Соңғы жаңалықтар