Атақты Comedy Club бағдарламасы жабылатын болды

19 жыл бойы эфирде болған атақты ресейлік Comedy Club әзіл шоуы жабылады. Бұл туралы «Газпром-Медиа Холдинг» хабарлады.

Comedy Club жабылады. Телевизиялық эфирде 20 маусым, 800-ден аса түпнұсқа шығарылым, 2 ТЭФИ сыйлығы, 1 500 стендап, 4 мың миниатюра, әлемнің жүздеген қаласында 10 мың концерт – осындай көрсеткіштермен Comedy Club өзінің тағдырлы соңғы шығарылымына келіп отыр. Соңғы бағдарлама 20 қыркүйекте сағат 21:00-де эфирге шығады. Бағдарлама резидент, жүргізуші және аңызға айналған шоудың креатив продюсері Гарик Харламовтың ресми мәлімдемесінен басталады, - делінген «Газпром-Медиа Холдинг» баспасөз қызметінің Telegram-дағы хабарламасында.

Сонымен қатар холдингтің баспасөз қызметі жүргізушінің мәлімдемесін де келтірген.

Құрметті достар, бүгін біз сіздерге шын мәнінде маңызды жаңалықты хабарлаймыз. Біз Comedy Club жабылатынын растаймыз, - деді жүргізуші және Comedy Club креатив продюсері Гарик Харламов.

Жобаға қош айтысуға «Женский стендап» шоуының жұлдыздары, тележүргізуші Дмитрий Дибров, актриса Наталья Бочкарева, «Однажды в России» шоуының актерлері Азамат Мұсағалиев, Денис Дорохов, Яна Кошкина, клубтың бұрынғы резиденті және Okko продюсері Гавриил Гордеев, сондай-ақ Comedy Club бас продюсері Артур Джанибекян келеді. Актриса және телевидение жүргізушісі Юлия Меньшова клубтың резиденттерінен сахнада қоштасу сұхбатын алады.

Comedy Club бағдарлама шоу

Атақты Comedy Club бағдарламасы жабылатын болды

Соңғы жаңалықтар