Атырау әкімі Шәкір Кейкин қызметінен кетті

Атырау қаласының әкімі Шәкір Кейкин өз еркімен қызметінен кетті, деп хабарлайды Politico.kz.

Атырау облысының әкімдігі Шәкір Кейкиннің қала әкімі қызметінен кеткенін растады.

Ол бұл қызметке 2023 жылғы шілдеде тағайындалған болатын.

Атырауды енді кім басқаратыны әзірге ресми түрде хабарланған жоқ.

Айта кетейік, биыл шілдеде Атырау қаласы әкімінің міндетін уақытша атқарған Тілек Махуов ұсталған болатын.

Ал маусым айында Атырау қаласы әкімінің орынбасары Мейіржан Мұқасовтың ұсталғаны туралы ақпарат тараған еді.

Сол кезде Ұлттық қауіпсіздік комитеті сотқа дейінгі тергеу жүргізіліп жатқанын хабарлаған.

Атырау қаласы Шәкір Кейкин Әкім