Әйел туған қызының денесін тоңазытқышта 20 жыл сақтаған

Жапонияда 75 жастағы әйел қамауға алынды. Ол жиырма жыл бойы қайтыс болған қызының денесін үйінде сақтап келген. Бұл туралы The Straits Times хабарлады.

Оқиға сейсенбі күні анықталды. Тергеушілер Токионың солтүстік-шығысында орналасқан Ибараки префектурасындағы әйелдің үйін тексеру барысында тоңазытқыштан әйел адамның сүйектерін тапқан.

Кэйко Мори есімді 75 жастағы әйел бұл оның қызы екенін айтқан. Қызы 1975 жылы туған, егер тірі болғанда 49 немесе 50 жаста болар еді. Әйел не себепті қызын жерлемегенін түсіндірмеді, бірақ әрекетіне өкінішін білдірді.

Тәркіленген мәйіт сот-медициналық сараптамаға жіберілді. Сарапшылар марқұмның өлім себебін анықтайды. Мори мәйітті құрметтемей қарағаны үшін ресми түрде қамауға алынды.