Әйел үш жастағы қызын диванмен қосып, өртеп жіберді

Калининград қаласындағы көпқабатты үйде болған өрттің мән-жайы анықталуда. Алдын ала мәлімет бойынша, психикалық ауытқуы бар әйел үйіндегі диванды әдейі өртеген. Бұл туралы жергілікті «Клопс» басылымы хабарлады.

Оқиға Гайдар көшесіндегі пәтерде болған. Өрт шыққан үйден үш жасар қыз бала мен оның анасы эвакуацияланды. Бала қалалық балалар ауруханасына жеткізілді, жағдайы туралы нақты ақпарат жарияланған жоқ.

Ал әйел адам психиатриялық жедел жәрдем бригадасының қарауына берілді. Куәгерлердің айтуынша, ол бөлмедегі жиһаз бен заттарды өртеп, жалынның қалай таралатынын бақылап тұрған.

Өрттің нақты себептері мен басқа да жағдайлар қазіргі уақытта құқық қорғау органдары тарапынан тексерілуде.