Баласы қайыр сұрағаны үшін анасы жауапқа тартылды

Таразда кәмелетке толмағандар істері жөніндегі мамандандырылған ауданаралық сот баланы тәрбиелеу жөніндегі міндеттерін орындамағаны үшін анаға қатысты істі қарады, деп хабарлайды Politico.kz.

Кәмелетке толмаған бала бағдаршам маңында жүргізушілерlен ақша сұрап, қайыршылықпен айналысқан. Бала 16 жасқа толмағандықтан, оның анасы жауапқа тартылды. Ол құқықбұзушылықты толық мойындап, өз ісіне өкінетінін айтты.

Әкімшілік құқық бұзушылық туралы кодекстің 127-бабы 3-бөлігіне сәйкес, мұндай жағдайлар үшін 20 АЕК-ке дейін, яғни 86 500 теңге айыппұл немесе 10 тәулікке дейін әкімшілік қамауға алу жазасы қарастырылған.

Сот жеңілдететін мән-жайларды ескеріп, айыппұл мөлшерін 30%-ға азайтты. Сөйтіп әйел мемлекет бюджетіне 60 мың теңге төлеу міндеттелді.