Бас прокуратура Шерзат Болаттың әкесіне қатысты мәлімдеме жасады

Мәжіліс кулуарында бас прокурордың орынбасары Ғалымжан Қойгелдиев Талғардағы Шерзат Болат қазасына қатысты қозғалған істі тергеу барысы жөнінде пікір білдірді.

Талғардағы адам өліміне қатысты тергеу барысы толықтай бақылауда. Өздеріңіз білетіндей, барлық тұлға ұсталды, бірқатар айып тағылды. 15 қазан күні ішкі істер министрінің бірінші орынбасары мен Алматы облыстық прокурорының қатысуымен брифинг өтті. Тергеу барысы толық баяндалды. Бір айтарым, қайтыс болған баланың әкесіне қатысты іс қозғалған жоқ. Өртке қатысты іс те тергеліп жатыр, сараптама тағайындалды, - деді бас прокурордың орынбасары.

Айта кетейік, бұған дейін Шерзат Болат өліміне қатысты қылмыстық іс Қылмыстық кодекстің 99-бабының 2-бөлігі (адам өлтіру), 293-бабының 3-бөлігі (бұзақылық), 115-бабы (қорқыту), 432-бабы (қылмысты жасырып қалу) және 434-бабы (қылмыс туралы хабарламау) бойынша тергеліп жатқаны мәлім болған еді.

талғар

Бас прокуратура Шерзат Болаттың әкесіне қатысты мәлімдеме жасады

Соңғы жаңалықтар