Батыс Қазақстанда дрон жарылды

Қорғаныс министрлігі Батыс Қазақстан облысы Бөрлі ауданында дрон жарылысы болғанын растады, деп хабарлайды POLITICO.KZ.

Министрліктің мәліметінше, оның қалдықтары елді мекендерден алшақ аймақта табылған. 

Зардап шеккендер мен материалдық шығын тіркелген жоқ.

Оқиғаның мән-жайын және нысанның шығу тегін анықтауға бағытталған тексеру жүргізілуде.

Министрлік әуе кеңістігін бақылауды күшейту және әуе нысандарының мемлекеттік шекараны рұқсатсыз кесіп өтуін болдырмау мақсатында қосымша шаралар қабылдады.

Сондай-ақ бұл аппараттар тиесілі болуы мүмкін шетелдік серіктестермен консультациялар жүргізілуде.