Бурабайда квадроцикл тізгіндеген бойжеткен мерт болды

8 шілде 2026, 13:27 1065

Бурабайда квадроцикл тізгіндеген бойжеткен мерт болды — Фото: ЖИ көмегімен жасалған

Ақмола облысының Бурабай ауданында квадроцикл аударылып, салдарынан 22 жастағы Астана қаласының тұрғыны мерт болды, деп хабарлайды Politico.kz.

Полицияның алдын ала мәліметіне сәйкес, жол-көлік оқиғасы 7 шілде күні Зеленый Бор ауылы мен Бурабай кентінің арасындағы автожолда болған. Квадроциклді тізгіндеген бойжеткен көлікті басқара алмай қалып, салдарынан техника аударылып кеткен.

Жол апаты салдарынан ауыр жарақат алған жүргізуші оқиға орнында жан тапсырды.

Көлікте бірге болған 19 жастағы жолаушы әртүрлі дене жарақатын алып, дәрігерлердің көмегіне жүгінген.

Аталған дерек бойынша қылмыстық іс қозғалды. Қазіргі уақытта полицейлер жол апатының мән-жайын анықтап жатыр.

Бурабай квадроцикл Қайғылы жағдай

Бізді Google-дың негізгі дереккөздер тізіміне қосыңыз

Қосу