Депутат Ринат Зайыттың анасы өмірден өтті

Депутат Ринат Зайыттың анасы Роза Сүлейменова дүниеден өтті, деп хабарлайды POLITICO.KZ.

 Қаралы хабарды Мәжіліс депутаты Мақсат Толықбай әлеуметтік желідегі парақшасында жариялады.

«Ринат Зайыт бауырымыздың анасы қайтыс болды. Асылынан айырылған досымның қайғысына ортақтасып, көңіл айтамыз. Жаназа намазы да, жерлеу рәсімі де Семей қаласында өтетінін айта кетейін (сұрап жатқандар үшін)», – деп жазды ол.

Марқұмның отбасына, туған-туыстарына қайғырып көңіл айтамыз.

Ринат Зайыт 1983 жылы 17 қарашада қазіргі Абай облысы, Аягөз қаласында дүниеге келген.