Елімізде сыртқы істер министрі ауысты

Мемлекет басшысының жарлығымен Мұхтар Тілеуберді Қазақстанның Сыртқы істер министрі болып тағайындалды, деп хабарлайды Politico.kz.  

Тоқаевтың жарлығымен бұған дейін атқарған қызметінен — Қазақстанның Аустриядағы елшісі лауазымынан босатылды.

Мұхтар Тілеуберді туралы не білеміз?

Ол 1968 жылы Шымкент облысында дүниеге келген. Дипломатиялық қызметін 1993 жылы Азия істері департаментінің үшінші хатшысы болып бастады. 1996 жылдан 1999 жылға дейін Кореядағы Қазақстан елшілігінің үшінші хатшысы, содан кейін екінші хатшысы болды.

Кейінірек Азия, Таяу Шығыс және Африка департаментінің бірінші хатшысы және Екіжақты ынтымақтастық департаментінде бөлім меңгерушісі болды.

2000 жылдан 2001 жылға дейін Президент әкімшілігінде Халықаралық істер жөніндегі Мемлекеттік хатшының кеңесшісі болды. 2001 жылдан 2003 жылға дейін Израильдегі Қазақстан елшілігінің кеңесшісі болды.

Кейінірек бір жыл сыртқы істер министрінің орынбасары қызметін атқарды. 2004 жылдан 2009 жылға дейін Малайзиядағы Қазақстанның елшісі болды. 2005 жылдан 2009 жылға дейін Индонезиядағы, Бруней-Даруссаламдағы және Филиппин Республикасындағы Қазақстанның елшісі қызметін қоса атқарды.

2009 жылдан 2016 жылға дейін ол Қазақстанның Швейцариядағы, Лихтенштейн князьдігіндегі және Ватикандағы елшісі қызметін атқарды (бір мезгілде).

2016 жылдан 2019 жылға дейін ол Қазақстан сыртқы істер министрінің бірінші орынбасары қызметін атқарды.

Ол 2019 жылдың қыркүйегінде сыртқы істер министрі болды.

2021 жылдың қаңтарында Мұхтар Тілеуберді премьер-министрдің орынбасары және сыртқы істер министрі болып тағайындалды.

2023 жылы тамыздан бастап Қазақстанның Аустриядағы елшісі қызметін атқарды.