Франкфуртқа ұшып шыққан ұшақ Ақтөбеге шұғыл қонды

Air Astana әуе компаниясының Астана – Франкфурт бағыты бойынша KC921 ұшағы техникалық себептерге байланысты Ақтөбе әуежайына шұғыл қонды, деп хабарлайды Politico.kz.

Бұл туралы әуе тасымалдаушысының баспасөз қызметі мәлім етті

Әуе кемесі елордадан таңғы сағат 08:54-те ұшып шыққан, алайда 11:34-те Ақтөбеге қонуға мәжбүр болған. Компания өкілдерінің айтуынша, ұшақта техникалық ақау пайда болғандықтан, экипаж қауіпсіздік мақсатында қону туралы шешім қабылдаған.

Қазіргі уақытта жолаушыларды межелі жерге жеткізу үшін Алматыдан Ақтөбеге резервтік ұшақ жіберілді. Оның аттану уақыты сағат 14:20-ға жоспарланып отыр.