"Келінжан" сериалының жұлдызы Нұргүл Мыңғатова қызды болды

Танымал актриса, Келінжан сериалы арқылы көпшілікке танылған Нұргүл Мыңғатова қызды болғанын хабарлады, деп хабарлайды Politico.kz.

Өнер иесі қуанышты жаңалығын әлеуметтік желідегі парақшасында бөлісіп, көптен күткен сәбиінің аман-есен дүниеге келгенін жеткізді.

«Сүйінші! Шиқылдағым аға болды, қарындасы аман-есен дүниеге келді. Біздің көптен күткен ханшайымымыз. Аллаға шүкір. Күтіп жүрген жандарға жұғысты болсын. Кішкентай Балқия. Барлық құттықтауларыңызға рақмет», – деп жазды актриса.

Жазбаға қарағанда, сәбидің дүниеге келген күні – 30 сәуір. Қуанышты хабар желі қолданушылары мен өнер өкілдері арасында кеңінен таралып, көпшілік актрисаны жарыса құттықтап, ізгі тілектерін жаудырды.

«Ханшайымның бауы берік болсын», «Бауы берік, салихалы ұрпақтан болсын», «Құтты болсын, қуаныштымыз», «Тәтті балапанның бауы берік болсын», – деген жылы лебіздер жазылды.