Маңғыстау облысында 50 адам мінген автобус аударылып, бірнеше адам қаза тапты
Маңғыстау облысында 50 адам мінген автобус жол апатына түсіп, 4 адам қаза тапты, деп хабарлайды Politico.kz.
Жол апаты 16 қаңтар күні шамамен сағат 01:03-те «Доссор – Құлсары – Бейнеу – Сайөтес – Шетпе – Жетібай – Ақтау» автомобиль жолының 383-ші шақырымындаболған. Алдын ала мәлімет бойынша, Ақтау қаласынан Бейнеу ауылы бағытында келе жатқан Yutong маркалы жолаушылар автобусының жүргізушісі рульді басқара алмай, көлік аударылып кеткен.
Көлік министрлігінің мәліметінше, автобус 2025 жылдың 19 желтоқсанында техникалық байқаудан өткен және «CASPIAN TRANS CORPORATION» LLC компаниясында тіркелген.
Жол-көлік оқиғасы салдарынан оқиға орнында төрт жолаушы қаза тауып, үш адам әртүрлі дәрежедегі жарақат алып, медициналық мекемелерге жеткізілді. Автобуста барлығы 50 адам болған.
Аталған автожол учаскесі техникалық II санатқа жатады. Жол жамылғысы асфальтбетонды, жолдың ені 9 метрді құрайды, жол жамылғысында ақаулар анықталған жоқ.
Оқиға қараңғы уақытта болған.
Жол-көлік оқиғасы кезінде автобусты 1985 жылы туған жүргізуші тізгіндеген.
Аталған жол-көлік оқиғасы фактісі бойынша Маңғыстау облысы полиция департаменті барлық мән-жайларды анықтауға бағытталған қажетті тергеу шараларын жүргізуде.
Соңғы жаңалықтар
