Маңғыстау облысындағы автобус апаты: тағы бір жолаушы көз жұмды

17 қаңтар 2026, 09:46 1091

Маңғыстау облысындағы автобус апаты: тағы бір жолаушы көз жұмды — Фото: көлік министрлігі

Ақтаудан Бейнеу ауданына бағыт алған жолаушылар мінген автобустың тағы бір жолаушысы ауруханада көз жұмды, деп хабарлайды Politico.kz.

Бұл туралы облыстық денсаулық сақтау басқармасы хабарлады.

«Өкінішке қарай, осы оқиға орнында 4 адам қаза тауып және бір адам Бейнеу көпбейінді ауруханасына жеткізіліп, қаза тапты. Қазіргі таңда 13 адамның денсаулығы қанағаттанарлық жағдайда. 3 науқас реанимациялық бөлімде ем қабылдап жатыр», - дейді облыстық денсаулық сақтау басқармасы басшысының орынбасары Бибізада Дүйсенбаева.

Еске салайық, 16 қаңтар түнгі сағат 01:30 шамасында Ақтау-Бейнеу тас жолында автобус апатқа ұшырап, оқиға орнында 4 адам қаза тапты.

Тағы 42 адам түрлі дене жарақаттарымен Бейнеу аудандық ауруханасына жеткізілді.

Аталған оқиға бойынша қылмыстық іс қозғалып, автобус жүргізушісі уақытша ұстау изоляторына қамалды.

Тергеу амалдары жалғасып жатыр.

автобус Жол апаты Маңғыстау облысы

Бізді Google-дың негізгі дереккөздер тізіміне қосыңыз

Қосу