Мораторий алынып тасталса, бензин бағасы не болады – министр жауап берді

Энергетика министрі Ерлан Ақкенженов мәжіліс кулуарында бензин бағасына мораторийдің қалай әсер ететіні және ол тоқтатылған жағдайда не болатыны туралы айтып берді, деп хабарлайды Politico.kz.

Ақкенженовтің айтуынша, енгізілген мораторий жанармай бағасының өсуін тоқтатты.

«Егер 31 наурыздан кейін үкімет қайтадан АЗС-тердің қызметіне араласпай, нарықтың өз ережесі бойынша жұмыс істеуі туралы шешім қабылданса, ішкі сұраныс пен ұсыныс бағалардың қалыптасуын анықтайды», – деді министр.

Ол министрлік жанармай бағасының күрт өсуіне жол бермейтінін сендірді.

Еске салсақ, 2025 жылдың қазанында Қазақстанда АИ-92 маркалы бензин мен дизель отынының бағасын көтеруге мораторий енгізілген еді.

баға Бензин Ерлан Ақкенженов Энергетика министрі