Нұрболат Абдуллин дүркіретіп той өткізді

Қазақстандық шоу-бизнес жұлдызы Нұрболат Абдуллин қызының тілашар тойын өткізді. Жұлдызды жанұяның қуанышына барша ет-жақындары мен бірқатар өнер иесі келген. Нұрболат Абдуллиннің қызының тілашар тойын Алматыдағы қымбат мейрамханалардың бірінде атап өткен. Мерекелік кешке ерлі-зайыптының ет-жақындары мен өнердегі аға-достары құттықтап келген. Жұлдызды меймандар арасында Тоқтар Серіков пен Бейбіт Сейдуалиева, Жанболат Ербатыров пен Жазира Байырбекова, Гүлзира Айдарбекова, Әбдіжаппар Әлқожа, Асхат Тарғын, Қайрат Әділгерей және т.б бар. Нұрболат Абдуллиннің достары әншінің қызына ақ тілегін айтып, артынан жиналған қауым үшін өнер көрсетті. Оған қоса өнер иесінің қыздары әжелеріне ән шырқады. Той қонақтары әсерлі сәттің видеосын желіде бөлісті.