Өскеменнің екі тұрғыны Украинадағы соғыста қаза тапты

ШҚО тұрғындары Ресей тарапында соғысып, Украинада қаза тапты

Өскеменнің екі тұрғыны Украинадағы соғысқа қатысып, қаза тапты, деп хабарлайды POLITICO.KZ

Ұлттық қауіпсіздік комитетінің (ҰҚК) Шығыс Қазақстан облысы бойынша департаментіне сілтеме жасап.

ҰҚК деректеріне сәйкес:

Қаза тапқандар 2024 жылы Ресейге кетіп, Украинадағы әскери қақтығысқа қосылған.
Олар Донецк облысында ауыр жараланып, қан жоғалтқаннан кейін қайтыс болған.
Марқұмдардың денесі Өскеменге жеткізілген.

Қылмыстық тергеу және сот шешімі

ҰҚК оларды "Шетелдегі қарулы қақтығыстарға қатысу" бабымен тергеуге алған.
2025 жылы Өскемен қаласының №2 соты олардың қайтыс болуына байланысты қылмыстық істі тоқтатқан.

Қазақстанда шетелдегі қарулы қақтығыстарға қатысу қылмыс болып саналады. Бұл заң 2014 жылы Украинаның Донецк және Луганск облыстарында соғыс басталғаннан кейін енгізілген. Заңға сәйкес, шетелдегі әскери іс-қимылдарға қатысқандар 10 жылдан 17 жылға дейін бас бостандығынан айырылуы мүмкін.

Ақпарат Азаттық арнасынан алынған.

соғыс