Пойыздар қозғалысын карта арқылы қарайтын қызмет іске қосылды

Қазақстанда пойыздардың қозғалысын нақты уақытта бақылайтын жаңа онлайн-сервис іске қосылды, деп хабарлайды POLITICO.KZ.

Бұл қызметті "Жолаушылар тасымалы" АҚ әзірледі және ол жолаушыларға пойыздардың маршруттары, келу және кету уақыттары туралы жедел ақпарат алуға мүмкіндік береді.

Сервис қалай жұмыс істейді?
Онлайн-табло Ситуациялық орталық негізінде құрылып, GPS-трекерлерден деректер жинайды. Бұл ақпарат автоматты түрде жаңартылып, пайдаланушыларға пойыздың нақты уақыттағы орналасқан жерін көрсетеді.

Қалай пайдалануға болады?
bilet.railways.kz сайтына өту;
"Онлайн-табло қозғалысы" баннерін басу;
Интерактивті картадан қажет пойызды таңдау.

Сервис tablo-railways.kz сайтында да қолжетімді.

Қызметтің артықшылықтары:

• Пойыздың нақты уақыттағы орналасқан жерін көру;
• Жолдағы аралық станциялар мен аялдауларды тексеру;
• Пойыздың келу және кету уақытын бақылау;
• Кесте өзгерістері туралы ақпарат алу;
• Билеттерді онлайн сатып алу және орындарды қайтару.

Жаңа жүйе жолаушыларға сапарларын оңай жоспарлауға көмектеседі және теміржол қызметтерін пайдалануды жеңілдетеді.