Қазақстан құрамасының бас бапкері Әли Әлиев отставкаға кетті

Қазақстан ұлттық құрамасының бас бапкері Әли Әлиев отставкаға кететінін мәлімдеді. Ол Қазақстан Бельгиядан 0:6 есебімен ұтылғаннан кейін қызметінен кету туралы шешім қабылдады, деп хабарлайды POLITICO.KZ. 

Ойыннан кейінгі баспасөз мәслихатында Әлиев команда нәтижесі үшін толық жауапкершілікті өз мойнына алатынын мәлімдеді.

"Бұл жеңіліс — менің жауапкершілігім. Барлық кінәні өзіме аламын. Отставкаға өтініш жазып, келген соң федерация басшылығына жеткіземін", — деді ол.

Мұның алдында Әли Әлиев шәкірттері Астанада Уэльсті қабылдап, 0:1 есебімен жеңілген болатын. Ал, жалпы, іріктеу турнирінде 5 матч өткізіп, оның тек біреуінде – Люксембургпен болған ойында жеңіске жетті.

Әлиев бұл қызметке биыл қаңтарда келген болатын. Ол ресейлік маман Станислав Черчесовты алмастырған еді.