Қазақстанда жасыл энергия көздері үшін жаңа тарифтер жарияланды

Қазақстанда жаңартылатын энергия көздерін дамыту жалғасуда

Қазақстанда жаңартылатын энергия көздері (ЖЭК) бойынша электр энергиясына жаңа тарифтер бекітілді, деп хабарлайды POLITICO.KZ.

Энергетика министрінің 2024 жылғы 28 қарашадағы бұйрығына сәйкес, 21 желтоқсаннан бастап келесі тарифтер енгізіледі:

Жел электр станциялары үшін – 22,68 теңге/кВт·сағ (ҚҚС-сыз);
«Астана EXPO-2017» жел электр станциясы (100 МВт) үшін – 59,7 теңге/кВт·сағ;
Күн электр станциялары үшін – 34,61 теңге/кВт·сағ;
Гидроэлектр станциялары үшін – 41,23 теңге/кВт·сағ;
Биогаз қондырғылары үшін – 32,23 теңге/кВт·сағ.

Бұл тарифтер «Жаңартылатын энергия көздерін қолдау туралы» заң аясында бекітіліп отыр. Заң бойынша ЖЭК-іне күн, жел, су энергиясы, геотермалдық және биогаз энергиялары жатады.

Айта кету керек, бұл тарифтер келесі нысандарға қолданылмайды:

Өтеу мерзімі аяқталған ЖЭК нысандары.
Қуаттылығы 35 МВт асатын және 2016 жылға дейін пайдалануға берілген гидроэлектр станциялары.

Жаңартылатын энергия көздерін қолдану Қазақстанның энергетика саласындағы маңызды қадамдарының бірі болып табылады. Бұл тарифтер экологиялық таза энергияны қолдауды күшейтуге бағытталған.

Ақпарат zakon.kz сайтынан алынған.

#Энергетика министрі