Қазақстандықтарды эвакуациялау болмайды - СІМ

Қазақстандықтар Үндістан мен Пәкістанда қалды

«Қазақстандықтарды Үндістан мен Пәкістаннан әзірге эвакуацияламайды» - ҚР СІМ, деп хабарлайды POLITICO.KZ.

ҚР Сыртқы істер министрінің орынбасары Ақан Рахметуллин осы елдер арасындағы қақтығыс шиеленіскеннен кейін Үндістан мен Пәкістандағы қазақстандықтарға қатысты жағдайға түсініктеме берді.

Оның айтуынша, қазір онда Қазақстан азаматтары бар, бірақ эвакуациялауға ешқандай себеп жоқ.

«Пәкістанда, менің білуімше, Үндістанға қарағанда біздің азаматтар көп. Қалай болғанда да, қазақстандықтар біздің елшілікпен байланыста. Қазір эвакуация мәселесі күн тәртібінде тұрған жоқ», - деп түсіндірді Рахметуллин.

Спикер атап өткендей, қазір қақтығысушы тараптардың аумақтарында толыққанды әскери қимылдар жоқ.