“Қойшы бала” Жігер Ауыпбаев жайлы бар шындықты айтты

«Қойшы бала» лақап атымен танылған жас әнші Айдос Кәден өзіне продюсер болған Жігер Ауыпбаевпен арадағы қарым-қатынасы жайлы ашық айтты, деп хабарлайды POLITICO.KZ  Alash.kz-ке сілтеме жасап.

«Негізі кешірмейтіндей, қатігез, біреуге кек сақтап жүретін адам емес. Білемін ғой. ...Жігерден кетуге азғырғандар болды. Аттарын айтпай-ақ қояйын. Өнердегісі бар, туысқандарым бар. Туысқандарымнан бөлек, ортаға от салғандар көп болды. Мен ондаймен сыналып көрмегенмін, бірінші рет сыналдым, оны жеңіп шыға алмадым. Соған өкінемін», - деді Айдос Кәден Massaget.kz сайтының Kezdesu YouTube-арнасына берген сұхбатында.

«Қатеңді түсінген уақытта Жігер Ауыпбаевқа қайта неге бармадың?» деген сұраққа әнші былай жауап берді:

«Өзіме де ол сұрақты көп қоямын. Не үшін екенін білмеймін. Қазір де ренжулі шығар. Бірақ білмеймін, бара алмаймын. Ниеттенемін, бара алмаймын. Бұл ол кісіні жек көргеннен емес»,- деді әнші.