"Қыз мұраты кету": Жақында Мирас пен Құралайдың шаңырағында той болады

Қазақ эстрадасында тағы бір дүбірлі той өтпек. Жақында жұлдызды жұп Мирас пен Құралайдың қыздары қалыңдық атанады, деп хабарлайды Politico.kz Stan.kz ақпарат агенттігіне сілтеп.

Өнер иелері қуанышты жаңалығын әлеуметтік желідегі парақшасында бөлісті. Кадрлардан әншілердің қыздары Іңкәрға сүйіктісі үйленуге ұсыныс жасағанын байқауға болады.

“Жол мұраты жету, қыз мұраты кету. Жақсы жаңалығымызбен бөлісіп жатырмыз! Бақытты бол, Іңкәрім”, – деп жазылған парақшада.

Желі қолданушылары мен эстрада жұлдыздары өнер иелерінің қызын жарыса құттықтап жатыр.

“Балапандар бақытты болсын”, “Сұлу қыз бақытты болсын”, “Жастар бақытты болсын”, “Інкәр қызға шын жүректен бақыт тілейміз”, “Бағы баянды болсын!” – деп жазды олар.

Айта кетейік, жұлдызды жұп бүгінде 4 бала тәрбиелеп отыр.