Роза Әлқожа күміс тойын дүркіретіп атап өткен

Әнші Роза Әлқожа жұбайы Айдын Қабаның 45 жасы мен күміс тойларына орай той өткізген, деп жазады POLITICO.KZ.

Әнші мерекелік кешті YouTube арнасында тікелей эфирде көрсетіп, 7 мыңнан астам көрермен жинапты.

 «Күміс тойдан кейін алтын тойға да жетейік», – дейді әнші жолдасын құттықтай отырып.

Айдын Қаба тойдағы сөзінде алғаш рет үйленіп жатқандай болып отырғанын айтты.

«Ешкімді бөліп жармаймын, баршаңызға басымды иіп, рақмет айтамын. Арнайы алғысты өзімнің жаңа жарыма алғыс білдіремін. Осы керемет тойды әдемі ұйымдастырды», - деді ол.