Рүстем Жүгінісовтің үстінен іс қозғалды

Рүстем Жүгінісовтің үстінен іс қозғалды, деп хабарлайды POLITICO.KZ. 

Алдын ала мәлімет бойынша, оған қатысты тамыз айынан бері әкімшілік іс жүріп жатыр. Жүгінісовке Ақтөбеде мешітте болған жайтқа қатысты пікір білдіргені үшін іс қозғалған. 

Әншіге қатысты әкімшілік іс 453-бап, 2-бөлігі бойынша тамыз айынан бері қаралып жатыр. Бап жеке тұлғаларға 20 айлық есептік көрсеткіш (78 640 теңге) көлемінде айыппұл салуды қарастырады.

Ақтөбедегі мешіттердің бірінде бойжеткенге «бір реттік неке» ұсынған жігіт туралы жаңалық қоғамда үлкен резонанс тудырған болатын. Ал Рүстем Жүгінісов әйелдер мешітке барып, өздері осындай оқиғаларға себепкер болатынын айтқан.