Сәтбаевта стадионды тас-талқан еткен балалар табылды (ВИДЕО)

3 маусым 2026, 20:19 1150

Сәтбаевта стадионды тас-талқан еткен балалар табылды (ВИДЕО) — Видеодан кадр

Балалардың ата-аналары шығынды өтейді

Ұлытау облысының Сәтбаев қаласындағы «Юность» стадионында орындықтарды қиратып, мүлікке зиян келтірген балалар анықталды, деп хабарлайды Politico.kz.

Әлеуметтік желілерде бірнеше баланың стадиондағы орындықтарды сындырып жатқан видеосы тараған болатын. Осы оқиғаға байланысты Ұлытау облыстық полиция департаменті вандализм фактісі бойынша қылмыстық іс қозғады.

Тәртіп сақшылары құқық бұзушылыққа қатысы бар екі баланы тауып, олардың ата-аналарының қатысуымен профилактикалық әңгіме жүргізді.

Полиция мәліметінше, балаларды тәрбиелеу жөніндегі міндеттерін тиісінше орындамағаны үшін ата-аналарға қатысты әкімшілік іс қозғалды. Сонымен қатар олар келтірілген материалдық шығынды өтеуге міндеттеледі.

Құқық қорғау органдары ата-аналарды жазғы демалыс кезінде балалардың бос уақытын бақылауға және қоғамдық тәртіпті сақтауға шақырды.

«Баян қалай айтса, солай болды»: Бағым Мұхитденова Мөлдірмен болған дауға қатысты үн қатты

«Туыстары кешірсе…»: Әл-Фарабидегі жантүршігерлік апатқа кінәлі жазадан құтыла ала ма?

Балалар вандализм жауапкершілікке тарту Сәтбаев қаласы

Бізді Google-дың негізгі дереккөздер тізіміне қосыңыз

Қосу