Шавкат Рахмонов пен әйелі туралы қуанышты жаңалық жетті

Соңғы уақытта UFC файтері Шавкат Рахмоновтың жеке өміріне қатысты желіде тараған әңгімелерге нүкте қойылды. Танымал заңгер Мейірман Шекеев Qazaqordasy арнасына берген сұхбатында Шавкат пен жары Гүлайым Рахмонованың заңды түрде әлі ажыраспағанын айтты, деп хабарлайды Politico.kz.

Заңгердің айтуынша, ерлі-зайыптылар некені бұзу туралы сотқа ресми арыз түсірген. Яғни олардың арасында ажырасуға қатысты заңдық процесс басталған.

«Иә, Гүлайым Рахмонова мен Шавкат Рахмоновтың ажырасуға арыз бергені рас. Басында олар бұл процесті бастады», – деді Мейірман Шекеев.

Алайда кейін тараптар өзара келісімге келіп, тіл табысып, сотқа берген өтініштерін кері қайтарып алған.

«Кейін олар татуласып, берген арыздарын кері қайтарып алды. Қазіргі таңда екеуі заңды түрде ажыраспаған», – деп нақтылады заңгер.

Оның сөзінше, спортшы мен жұбайы қазіргі уақытта ресми түрде ерлі-зайыпты болып саналады.

Айта кетейік, жақында Шавкат Рахмоновтың жары бесінші сәбиін дүниеге әкелді.

Бұған дейін Гүлайым Рахмонова Шавкат Рахмоновпен ажырасқанын айтқан еді.