Шымкентте күйеуі 7 баласы бар әйелін терезеден лақтырып жіберген: тың дерек шықты

Шымкентте 42 жастағы әйел күйеуінің қолынан қаза тапты, деп хабарлайды НеМолчиKZ ұйымы.

Ұйымның мәліметінше, марқұмның денесінде көгерулер, пышақ жарақаттары, сынған мұрын мен маңдай жарақаты анықталған.

Қайғылы оқиғаның басты куәгері – 4 жасар ұлы. Баланың айтуынша, әкесі анасын штангамен ұрып, кейін асүй терезесінен лақтырып жіберген. Қазіргі уақытта күдікті қамауға алынды.

Марқұмның үлкен балалары әкесінің оларды да, анасын да жиі ұрып-соққанын мәлімдеген. Оқиғадан кейін жеті бала (22, 20, 15, 13, 11, 4 және 2 жаста) баспанасыз қалды. Олардың бесеуі – кәмелетке толмаған, қазір мемлекеттік мекемеге орналастырылған.

Құзырлы органдар оқиғаның мән-жайын анықтауда.