Шымкенттік экс-депутат Қуаныш Дәулетәлиевке іздеу жарияланды

Шымкент қалалық мәслихатының бұрынғы депутатына іздеу жарияланды, деп хабарлайды POLITICO.KZ

Шымкент қалалық мәслихатының бұрынғы депутаты, кәсіпкер Қуаныш Дәулетәлиевке іздеу жарияланды. Бұл туралы ақпарат Құқықтық статистика және арнайы есепке алу органдарының ресми порталында пайда болды.

Порталдағы мәліметке сәйкес, 48 жастағы Қуаныш Әмірсейітұлы Дәулетәлиев бір күннен бері іздеуде. Іздестіру ісіне сот органдары бастамашы болған, оны Шымкент қаласы Тұран ауданының полиция басқармасы жүргізіп жатыр.

Айта кету керек, Қуаныш Дәулетәлиев бұған дейін Шымкент қалалық мәслихатының депутаты және «Ауыл» партиясының мүшесі болған.

Сурет: «АУЫЛ» ПАРТИЯСЫ

Іздеу Қуаныш Дәулетәлиев