Small дүкеніндегі даумен танылған қызметкердің қызметі жоғарылағаны туралы ақпарат тарады

Әлеуметтік желілерде мемлекеттік тілде қызмет көрсеткені үшін көпшіліктің қолдауына ие болған Small супермаркетінің қызметкеріне қатысты жаңа ақпарат тарады, деп хабарлайды Politico.kz.

Бейресми мәліметтерге сәйкес, бойжеткеннің еңбегі ескеріліп, оған жоғарырақ қызмет ұсынылған. Алайда оның нақты қандай лауазымға тағайындалғаны әзірге жарияланған жоқ. Сондай-ақ бұл ақпаратты сауда желісі ресми түрде растаған жоқ.

Еске салсақ, бұған дейін желіде дүкендегі бейнежазба кеңінен тараған болатын. Онда сатып алушы қызметкерден орыс тілінде жауап беруді талап еткен. Ал қызметкер кассаның уақытша жұмыс істемей тұрғанын және жақын арада тағы бір касса ашылатынын мемлекеттік тілде сыпайы түрде түсіндірген.

Оқиға әлеуметтік желіде қызу талқыланып, көпшілік қызметкердің сабырлы әрекеті мен қазақ тілінде қызмет көрсеткенін қолдаған еді.

“Балмұздақ алып беремін”: Атырауда екі бүлдіршіннің жоғалуы елді дүрліктірді

Тоқаев Омбыда Путинмен маңызды кездесу өткізбек

SMALL Жанжал супермаркет Қазақ тілі қызмет

Small дүкеніндегі даумен танылған қызметкердің қызметі жоғарылағаны туралы ақпарат тарады

Соңғы жаңалықтар