"Соғыс өршімей ме?": КХДР батысқа қарай баллистикалық зымырандар ұшырды

КХДР баллистикалық зымырандар ұшырды, деп хабарлайды POLITICO.KZ РИА Новостиге агенттігіне сілтеме жасап.

Солтүстік Корея бірнеше баллистикалық зымыран ұшырғанын Оңтүстік Кореяның Біріккен штаб бастықтары комитеті хабарлады.

"Дүйсенбі күні жергілікті уақыт бойынша 13:50-де (Мәскеу уақытымен 07:50) біздің әскери күштер Солтүстік Кореяның Хванхэ провинциясының ішкі аймағынан батыс бағытқа қарай ұшырылған бірнеше белгісіз баллистикалық зымыранды анықтады", – делінген ресми мәлімдемеде.

Оңтүстік Корея қарулы күштері бақылау мен қадағалауды күшейтіп, толық әскери дайындықты қамтамасыз етуде. Сонымен қатар, олар АҚШ әскери күштерімен тығыз ынтымақтастықта жұмыс істеп жатыр.