Танымал әнші денсаулығы сыр беріп, жүре алмай қалған ба?

Әнші Роза Зергерлінің жүріп келе жатқан сәтіндегі видеосы әлеуметтік желілерде қызу талқыланып жатыр.

Желіде тараған кадрларда әртістің жүру кезінде қиындық көріп, ақсаңдап келе жатқаны байқалады. Алайда видео авторлары әншінің жағдайына нақты не себеп болғанын көрсетпеген.

Осыған байланысты Роза Зергерлі Oxu.Az порталына пікір білдіріп, видеоның ескі екенін айтты:

"Бұл видео — ескі. Ол операциядан екі күн өткен соң, яғни бір жарым ай бұрын түсірілген. Қазір жағдайым жақсы. Сіздер мені жақында өткен Dream Fest 2025 фестивалінде сахнада көрдіңіздер. Уайымдауға негіз жоқ", — деді әнші.

Айта кетейік, Роза Зергерлі өткен жылы өзінің төртінші деңгейлі коксартроз диагнозы бар екенін жариялаған еді. Бұл — жамбас буынының ауыр зақымдануы, ол жүруде қиындық тудыратын ауру болып саналады.