Трамп: Зеленский ештеңе ұсынбай, бәрін сұрайды

АҚШ президенті Украина басшысымен келісу қиын екенін ашық айтты

Трамп Зеленскиймен диалогты Путинмен салыстырып, соңғысын жеңіл деп атады, деп хабарлайды POLITICO.KZ.

АҚШ президенті Дональд Трамп Украина президенті Владимир Зеленскийге қатысты кезекті сыни мәлімдемесін жасады.

«Зеленскийде нақты үстемдігі жоқ, бірақ ол үнемі көбірек, одан да көбірек сұрайды. Осы уақытқа дейін маған Путинмен жұмыс істеу әлдеқайда оңай болды», – деді Трамп.

Бұл пікір оның Зеленскиймен Ватикандағы кездесуі және Украинаға әскери қолдау мәселесі туралы мәлімдемелерінен кейін айтылды. Трамп бұған дейін де Украина президентінің «үнемі қару сұрайтынын» сынға алып, Зеленскийдің талаптарын тым жоғары деп бағалаған болатын.