Трамп Зеленскийді «диктатор» деп атағанына қарамастан, оны құрметтейтінін айтты

АҚШ президенті Дональд Трамп Украина президенті Владимир Зеленскийді өткен аптада «диктатор» деп атаған сөзі үшін кешірім сұрау туралы сұраққа нақты жауап беруден бас тартты, деп хабарлайды CNN арнасы.

Трамп бұл мәлімдемесінен бас тартпағанымен, Зеленскийге және Украинаға үлкен құрметпен қарайтынын атап өтті.

"Менің ойымша, біз ертең таңертең керемет кездесу өткіземіз. Біз бір-бірімізді өте құрметтейміз. Мен оны қатты сыйлаймын. Біз оларға көп қару-жарақ пен қаражат бердік, бірақ олар өз елін батыл қорғады", – деді Трамп Ұлыбритания премьер-министрі Кейр Стармермен өткен бірлескен баспасөз мәслихатында.

Сонымен қатар, Трамп Зеленскиймен жұма күні сағат 11:00-де (Вашингтон уақытымен) Ақ үйде кездесетінін растады.

Сарапшылар бұл кездесудің АҚШ-Украина қарым-қатынасына және Вашингтонның Киевке болашақта көрсететін көмегіне қалай әсер ететінін бақылап отыр.

#АҚШ #Зеленксий #Трамп