Түркістанда психикалық және наркологиялық есепте тұрғандарға жүргізуші куәлігі берілген

Түркістан облысының Сарыағаш ауданында прокуратура тексерісі барысында психиатриялық және наркологиялық есепте тұрған 89 азаматтың жүргізуші куәлігін заңсыз алғаны анықталды, деп хабарлайды Politico.kz.

Прокуратура мәліметінше, аталған азаматтар медициналық қарсы көрсетілімдеріне қарамастан көлік құралын басқарған. Қолданыстағы заңнамаға сәйкес, психикалық сырқаты немесе есірткіге тәуелділігі бар адамдарға жүргізуші куәлігін алуға және көлік басқаруға тыйым салынады.

Прокурорлық қадағалау актісінен кейін сот барлық 89 азаматтың жүргізуші куәлігінің күшін жойды.

Сонымен қатар жүргізуші куәліктерінің заңсыз берілуіне жол берген жауапты лауазымды тұлғалар тәртіптік жауапкершілікке тартылды.

Прокуратура мұндай шаралар жол қозғалысы қауіпсіздігін қамтамасыз ету және жол-көлік оқиғаларының алдын алу мақсатында қабылданғанын атап өтті.

Алматыда Қаңтар оқиғасынан бері жасырылған қару-жарақ қоймасы табылды

Air Astana-дан 1 миллиард теңгеден астам қаржы жымқырғандарға қатысты соңғы шешім шықты

жол көлік оқиғасы жүргізуші куәлігі заңсыз Прокуратура Түркістан облысы

Түркістанда психикалық және наркологиялық есепте тұрғандарға жүргізуші куәлігі берілген

Соңғы жаңалықтар