«Умраға жіберемін»: Астанада жалған қажылық ұйымдастырған алаяқ сотталды
Астанада жалған қажылық сапарын ұйымдастырған алаяққа қатысты сот үкімі шықты, деп хабарлайды Politico.kz.
Елордада өзін умра және қажылық сапарын ұйымдастырушы ретінде таныстырып, азаматтарды алдап келген ер адам сотталды. Ол паломниктерден әуе билеттері мен қонақүй қызметтері үшін ақша жинап, іс жүзінде ешқандай сапар ұйымдастырмаған.
Салдарынан 17 адам зардап шегіп, жалпы материалдық шығын 7,4 миллион теңгеден асты. Алаяқтың құрбандарының арасында әр өңірден келген отбасылар бар, олардың кейбірі қарт ата-аналарын қасиетті сапарға жібермек болған.
Сот барысында айыпталушы өз кінәсін толық мойындап, келтірілген шығынды өтегені белгілі болды. Нәтижесінде оған 3 жыл мерзімге бас бостандығын шектеу жазасы тағайындалып, пробациялық бақылау белгіленді.
Прокуратура өкілдері азаматтарды қажылық немесе умра сапарын тек ресми лицензиясы бар туристік агенттіктер арқылы рәсімдеуге шақырды.
Соңғы жаңалықтар
