"Үш апта беріңдер": Түркістан облысында анасы мен қызын өлтірген жігіттің отбасы туралы тың мәлімет шықты

Түркістандықтар анасы мен қызын айуандықпен өлтірген ер адамның отбасынан көшуді талап етті.

Келес ауданында “Ауылдан көшіңдер” деген талаппен 30 жастағы ер адамның үйінің алдына марқұмның жақындары, ауыл тұрғындары мен ақсақалдар жиналды. Күдіктінің отбасы үш апта ішінде ауылдан көшіп кетуге уәде берді.

Еске салайық, 12 қыркүйекте Амангелді ауылында бір үйден оқушы мен анасының денесі табылған еді. Зарипа мен Нұриланы өлтірді деген күдікпен ауылдың бұрынғы дене шынықтыру мұғалімі ұсталды. Күдіктінің үш баласы мен аяғы ауыр әйелі бар екені анықталды. 30 жастағы ер адам былтыр “оқушысына ғашықпын дегені” үшін жұмысынан қуылған екен.