Үйсіз ер адам ақша беруден бас тартқан қарияның кеудесіне қайшы тығып алды

Италияның Римини қаласында қайырымдылықтан бас тартқан 88 жастағы қарияға үйсіз ер адам шабуыл жасап, кеудесіне қайшымен жарақат салды.

Today.it порталының хабарлауынша, оқиға 9 тамызда қала орталығында болған. 28 жастағы қаңғыбас жолдан өткен тұрғындардан ақша сұрап жүрген, алайда қария оның өтінішін орындамаған. Сол сәтте ашуға булыққан күдікті қарияға қайшымен соққы беріп, оқиға орнынан қашып кеткен.

Жәбірленуші ауыр жарақатпен Римини ауруханасына жеткізілді, дәрігерлер оның жағдайын аса ауыр деп бағалауда. Полиция күдіктіні оқиға ізімен қолға түсіріп, қанды қайшыны жасырмақ болған жерінен тапқан. Қазіргі уақытта ол қамауда отыр.