Ақмола облысында бүтін бір отбасы суға батып кетті

Ақмола облысының Арнасай су қоймасына демалуға барған бүтін бір отбасы суға батып, қаза тапты, деп хабарлады politico.kz 716.kz-ке сілтеме жасап.

 Оқиға кеше, яғни 5 тамызда түстен кейін Аршалы ауданындағы Арнасай су қоймасында болған. Астаналық отбасы су айдынына демалуға барған. Алайда ол орын шомылуға арналмаған еді.

Демалыс кезінде қызы суға бата бастағанын көріп, оны құтқаруға ағасы мен әкесі ұмтылған. Алайда суда болғандар бір сәтте дүрліге бастаған. Сол кезде отбасын құтқару үшін балалардың анасы да суға түскен. Өкінішке қарай, ауа райының қолайсыздығына байланысты жел мен толқынның әсерінен бүкіл отбасы суға батып кетті.

Фото: istockphoto.com